Այդ հայտարարությունը կապ չունի ո՛չ ՀՀ-ի, ո՛չ հայ ժողովրդի շահերի հետ․ Փաշինյան

«Ակնհայտ է, որ հայտարարությունը կապ չունի ո՛չ ՀՀ-ի, ո՛չ ՀՀ ժողովրդի, ո՛չ հայ ժողովրդի շահերի հետ»,- ճեպազրույցի ժամանակ ասաց Նիկոլ Փաշինյանը՝ անդրադառնալով Ցեղասպանության մասին Նեթանյահուի հայտարարությանը։

«Սա էն իրավիճակն ա, որ մենք էդ թեմայի հետ պետք է առերեսվենք, հասկանանք՝ մենք ուզո՞ւմ ենք, որ Հայոց ցեղասպանության ճանաչումը կամ չճանաչումը լինի աշխարհաքաղաքական մանրադրամ ուրիշների ձեռքում, որը մեր իրականության, մեր պետության շահերի և ժողովրդի շահերի հետ ընդհանրապես որևէ կապ չունի։ Մենք ուզո՞ւմ ենք, որ Հայոց ցեղասպանության ճանաչումը լինի ուղղակի հարցազրույցում պատահականության կամ շփոթմունքի արդյունքում արտահայտած ինչ-որ մի բան։ Ես չեմ ուզում, որ մենք մեր նահատակներին էսպիսի կարգավիճակի մեջ դնենք, մենք պետք է կենտրոնանանք մեր պետության շահերի վրա»,- ասաց Փաշինյանը՝ նշելով, որ ՀՀ-ն ոչինչ չի ստացել մի շարք երկրների կողմից Ցեղասպանության ճամաչումից։