Ամերիկացիները կողմոորոշվել են Ուկրաինա զորքեր ուղարկելու հարցում

Հարցված ամերիկացիների կեսը դեմ է արտահայտվել ԱՄՆ ռազմական կոնտինգենտի Ուկրաինա ուղարկմանը՝ որպես խաղաղության համաձայնագրի ձեռքբերումից հետո անվտանգության հնարավոր երաշխիք: Այս մասին են վկայում Քվինիփեքի համալսարանի հարցման տվյալները։

«Հարցված ընտրողների 50 տոկոսը դեմ է Ուկրաինայում խաղաղապահ ուժերի կազմում ԱՄՆ-ին ցամաքային զորքեր տրամադրելուն։ Ընդ որում, հարցվածների 40 տոկոսը կաջակցեր այդ նախաձեռնությանը», - ասվում է հրապարակման մեջ։

Հարցումն անցկացվել է օգոստոսի 21-25-ն ընկած ժամանակահատվածում ավելի քան 1,2 հազար գրանցված ամերիկացի ընտրողների շրջանում: