Ֆոն դեր Լյայենը մեկնում է «սահմանապահ» երկրներ՝ Ռուսաստանի դեմ միասնությունը ամրապնդելու համար

Եվրահանձնաժողովի ղեկավար Ուրսուլա ֆոն դեր Լյայենը օգոստոսի 28-ից սեպտեմբերի 1-ը կայցելի ԵՄ «սահմանապահ» երկրներ՝ Ֆինլանդիա, Լատվիա, Լիտվա, Էստոնիա, Լեհաստան, Ռումինիա և Բուլղարիա։ Բրյուսելը շեշտում է, որ այդ պետությունները կամ ուղղակիորեն սահմանակից են Ռուսաստանին և Բելառուսին, կամ գտնվում են նրանց անմիջական հարևանությամբ։

Զարմանալիորեն այցից դուրս են մնացել Ուկրաինային սահմանակից Հունգարիան և Սլովակիան, որոնք ԵՄ-ում չեն դասվում «սահմանապահների» շարքին։ ԵԿ հայտարարության մեջ ընդգծվում է, որ այս ուղևորության հիմնական նպատակը Ռուսաստանի դիմաց եվրոպական միասնականության ամրապնդումն է։

Ֆոն դեր Լյայենը վերջերս հայտնել էր, որ Կիևում վնասվել է ԵՄ դեսպանատան շենքը, և խոստացել է շարունակել առավելագույն ճնշումը Մոսկվայի վրա։ Նա նաև հայտարարել է Ռուսաստանի դեմ նոր՝ 19-րդ պատժամիջոցային փաթեթի նախապատրաստման մասին։