Թրամփի Վաշինգտոնյան «խստացումները» վերածվել են ձերբակալությունների մանր խախտումների համար

ԱՄՆ նախագահ Դոնալդ Թրամփը Վաշինգտոնում ուժեղացրել է «հանցավորության դեմ պայքարը»՝ քաղաքում տեղակայելով Ազգային գվարդիան և ավելի քան 2,500 դաշնային գործակալ։ Սակայն Reuters-ի վերլուծած ավելի քան 500 գործերից պարզվել է, որ գրեթե կեսը վերաբերում է փոքր իրավախախտումներին՝ մարիխուանայի պահումից մինչև հանրային վայրում ալկոհոլի օգտագործում։ Դաշնային հատուկ ծառայությունները, ներառյալ FBI-ն ու Սեկրետ սերվիսը, ներգրավվել են անգամ այնպիսի դեպքերում, որոնք սովորաբար տեղական ոստիկանության հսկողության տակ են։

Չնայած իշխանությունների պնդումներին, որ գործի դրված լայնածավալ գործողությունը հեռացրել է «ավելի քան հազար վտանգավոր հանցագործների», փաստացի տվյալները ցույց են տալիս, որ բռնցկվել են հիմնականում զենքի ու թմրանյութերի փոքր գործերով կասկածյալներ։ Որոշ դեպքերում դաշնային գործակալները մասնակցել են ընդամենը 25 դոլար արժողությամբ մարիխուանա գնելու կամ հանրային այգում դիտված ֆիլմի ընթացքում մարդկանց ստուգելու գործողություններին։

Փորձագետները կասկածում են նման մոտեցման արդյունավետությանը։ Ըստ Կոլումբիայի համալսարանի իրավաբանական դպրոցի պրոֆեսոր Ջեֆրի Ֆագանի՝ դաշնային ռեսուրսները պետք է ուղղվեն խոշոր հանցագործների ու զենքի մատակարարների դեմ պայքարին, այլ ոչ թե մանր իրավախախտումների։ «Եթե նրանք անում են այն, ինչ տեղական ոստիկանությունն արդեն անում էր, դա պարզապես կոսմետիկ է», — ընդգծում է նա։