Նոր Նորքի խաղահրապարակը շենք չի դառնա. բողոքի ակցիա (տեսանյութ, լուսանկարներ)
ՀասարակությունՆոր Նորքի 5-րդ զանգվածի բնակիչները այսօր բողոքի ակցիա են անցկացրել Երևանի քաղաքապետարանի դիմաց՝ իրենց բակի միակ խաղահրապարակի տարածքում նախատեսվող 18-հարկանի շենքի կառուցումը կանխելու պահանջով։
Ակցիային մասնակցել են նաև երեխաներ, որոնք իրենց պատրաստած պաստառներով ու կոչերով դիմել են քաղաքապետ Տիգրան Ավինյանին։ Փոքրիկները պահանջել են անձամբ հանդիպում քաղաքապետի հետ՝ վանկարկելով․ «Տիգրան Ավինյան, իջե՛ք, մեզ խոստացե՛ք, որ մեր խաղահրապարակը շինհրապարակի չեք վերածի»։
Բնակիչները հիշեցրել են, որ հանրային քննարկումների ընթացքում երեք անգամ արդեն տրվել է բացասական եզրակացություն, իսկ Երևանի ավագանին նույնպես մերժել է շինթույլտվություն տրամադրելու հարցը։
Նրանց խոսքով՝ խաղահրապարակի տարածքը, ՀՀ հողային օրենսգրքի համաձայն, համարվում է օտարման ոչ ենթակա հող։ Այնուամենայնիվ, տարածքը ապօրինի վաճառվել է և այժմ սպառնալիքի տակ է՝ բազմաբնակարան բարձրահարկի կառուցման պատճառով։
Ակցիայի ընթացքում քաղաքապետարանի դիմաց նաև ոստիկանական ուժեր էին տեղակայված, մինչդեռ ներսում ընթանում էր ավագանու նիստը։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
