Պետք է ստեղծվի էթիկայի հանձնաժողով Արթուր Հովհաննիսյանի հարցով

Երբ թվում է, թե այլևս իջնելու տեղ չկա, Ազգային ժողովի ՔՊ խմբակցության քարտուղար Արթուր Հովհաննիսյանը ներքևից թակում է:

Հովհաննիսյանը կրկին աչքի է ընկել գռեհիկ վարքագծով: Նա նախ փորձել է խոչնդոտել պատգամավոր Թագուհի Թովմասյանի ճեպազրույցը, ապա տղամարդուն ոչ վայել պահվածք է դրսևորել Թովմասյանի նկատմամբ` թիրախավորելով վերջինիս:

Նման վարքագծով Արթուր Հովհաննիսյանը ցույց է տալիս իր ինտելեկտուալ ու բարոյական ցածր մակարդակը, դատապարտելի է խորհրդարանի պատգամավորի կողմից նման վարքագիծը, ուստի հույս ենք հայտնում, որ կստեղծվի ԱԺ էթիկայի հանձնաժողով ու Հովհաննիսյանի հակասոցիալական վարքագիծը պատշաճ գնահատականի կարժանանա: