Ես չեմ նայում հանրայինի լուրերը և ընդհանրապես պարտավոր չեմ որևէ բան նայել. ՀՌՀ նախագահ

Ես չեմ նայում հանրայինի լուրերը և ընդհանրապես պարտավոր չեմ որևէ բան  նայել։ Այս մասին, այսօր՝ նոյեմբերի 4–ին, ԱԺ–ում լրագրողների հետ զրույցում հայտարարեց Հեռուստատեսության և ռադիոյի հանձնաժողովի նախագահ Տիգրան Հակոբյանը։

«Եթե պարտավոր ենք, ի պաշտոնե ո՞րը նայեմ։ Դուք գիտե՞ք՝ քանի հարձակողներ ունեք՝ 83, այսինքն, 24 ժամ ես ինչ-որ բան պետքէ նայե՞մ։ Ոչ, ես չեմ նայում։ Այո, մոնիտորինգ արվում է, մենք մոնիտորինգ ենք անում նաև TV5-ը, որևէ անգամ դուք լսե՞լ եք, մենք ձեր բովանդակության առումով ձեզ նկատողություն անենք։ Մեզ մոտ խմբագրական քաղաքականությունը ազատ են իրագործում։

Մենք դիտարկում ենք ամիսը հինգ օր յուրաքանչյուր հեռուստաընկերություն։ Մեզ մոտ և ամբողջ աշխարհում ամեն մի լիցենզավորված հեռարձակող մշտադիտարկվում է տարին երկու ամիս, դա ամենամեծ քանակն է աշխարհում։ Նույնիսկ Վրաստանում մեկ ամիս է մշտադիտարկվում, մնացածը հանրության, պետական կառույցների, քաղաքական ուժերի բողոքների հիման վրա է կատարվում։

Մենք տարվա մեջ նույնիսկ 5 բողոք չենք ստանում, ցանկացած խախտում, որը մենք գտնում ենք, մեր մշտադատարկման արդյունքում է, բայց մենք 24 ժամ չենք կարող ամեն ինչը տեսնել, հասկանու՞մ եք։

Հասարակությունը անտարբեր է, մամուլը անտարբեր է, մեր կայքում կա կարմիր կոճակ, որով կարող եք դիմում բողոք ներկայացնել այս կամ այն հեռուստահաղորդման վերաբերյալ, բայց ոչ մեկ ոչ մի բան չի անում»,–ասաց Հակոբյանը։