Եվրահանձնաժողովը ցանկանում է Ուկրաինայի հարցով դատի տալ ԵՄ երեք երկրի

Եվրոպական հանձնաժողովը (ԵՀ) դատի կտա երեք եվրոպական երկրների՝ Ուկրաինայի նկատմամբ արտահանման սահմանափակումների համար։ Այս մասին գրել է Ֆրանսիայի «Հայրենասերներ» կուսակցության առաջնորդ Ֆլորիան Ֆիլիպոն X սոցիալական մեդիա հարթակում։

«Դիկտատուրա։ Եվրոպական հանձնաժողովը հայտարարել է, որ քրեական հետապնդում կհարուցի երեք անդամ պետությունների նկատմամբ՝ բավարար քանակությամբ ուկրաինական արտադրանք չներմուծելու համար», - գրել է նա։

Քաղաքական գործչի խոսքով՝ Եվրոպական Միության և Ուկրաինայի միջև ազատ առևտրի նոր համաձայնագիրը կհանգեցնի ուկրաինական գյուղատնտեսական արտադրանքի հոսքի ամբողջ մայրցամաքում։