Գերմանիայում հայտարարեցին, որ ռուսական բանակը վերահսկում է Կրասնոարմեյսկի 85 տոկոսը

Գերմանական Bild պարբերականի ռազմական վերլուծաբան Յուլիան Ռեպկեն հայտարարել է, որ Ռուսաստանի զինված ուժերը վերահսկողության տակ են վերցրել Դոնեցքի ժողովրդական հանրապետության Կրասնոարմեյսկ քաղաքի (ուկր. անվանումը՝ Պոկրովսկ) շուրջ 85 տոկոսը։ Նրա խոսքով՝ քաղաքի հյուսիսում Ուկրաինայի «հակահարձակման» որևէ հաջողություն չի նկատվում։

Ավելի վաղ Ռուսաստանի պաշտպանության նախարարությունը հայտնել էր, որ ռուսական բանակը Կրասնոարմեյսկի շրջանում հետ է մղել ուկրաինական զինված ուժերի տասը հարձակում։ Նույն հատվածում բախումները մնում են ինտենսիվ՝ երկու կողմերի համար էլ պահպանելով բարձր կորուստների ռիսկ։

Ուկրաինական կողմի աղբյուրները, իրենց հերթին, համեմատել են Կրասնոարմեյսկի իրավիճակը Սուջայի մարտերի հետ՝ նշելով, որ Ուկրաինայի զինվորականների համար քաղաքից դուրս գալու համար մնացել է միայն նեղ ճեղք՝ սահմանափակ մանևրային հնարավորությամբ։