Սոնա Թաթոյանի նոր ֆիլմը նվիրված է լինելու Հրանտ Դինքի մահվան վեցերորդ տարելիցին

Թուրքական «Ռադիկալ» թերթը հարցազրույց է վերցրել Ամերիկայում ապրող հայ կինոդերասանուհի և ռեժիսոր Սոնա Թաթոյանի հետ, որը ֆիլմ է ստեղծում Միշել Ահարոնյան Մարքոմի «Երեք խնձոր ընկավ դրախտից» գրքի հիման վրա: Կինոյի ռեժիսորն է լինելու հնդիկ Շեխար Կապուրը: 

«Ռադիկալ»-ի այն հարցին, թե Ձեր ընտանիքը Հալեպից է, սակայն Դուք ծնվել եք Ամերիկայում, Թաթոյանը պատասխանել է, որ իր տատը և պապը եղել են Այնթափից: Փոքր ժամանակ նա շատ է հետաքրքրվել, թե լինելով հայեր՝ ինչու են ապրում Հալեպում, թե ինչու են շրջապատված արաբներով, սակայն կցկտուր պատասխաններ է ստացել: Այնուհետև Ինդիանայի դպրոցում նա փորձել է գտնել իր մորաքրոջ պատմած ցեղասպանության մասին պատմությունները, սակայն՝ ապարդյուն և իր մոտ շատ հարցեր են ծագել: 

«Ռադիկալ»-ի այն հարցին, թե իր մոտ հարցեր են առաջացել իր մորաքրոջ պատմություների արժանահավատության մասին, Թաթոյանը պատասխանել է, որ իր մոտ կասկածներ են առաջացել կապված Ամերիկայի կողմից պատմության մեկնաբանելու նկատմամբ, քանի որ իրենց ընտանիքի կեսը ապրում է Հալեպում և այդ փաստը արդեն խոսում է պատմությունների արժանահավատության մասին, քանի որ հարկադրված են եղել լքել իրենց հայրենիքը: 

Պատասխանելով այն հարցին, թե արդյոք նրանց ընտանիքում խոսել են 1915 թվականի դեպքերի մասին, Թաթոյանը նշել է, որ այն արգելված չի եղել, սակայն իր ծնողները անդրադարձ են կատարել այդ խնդրին միայն իր կողմից առաջադրված հարցերի դեպքում և, բացի դա, իր ծնողները նաև սիրել են թուրքական մշակույթ, թուրքական երաժշտություն, որը գլխացավանք է առաջացրել իր մոտ: 

Հայազգի կինոռեժիսորը նաև անդրադարձել է այն զգացմունքին, որ իրեն տիրել է Փիթեր Բալաքյանի գիրքը կարդալուց հետո: Նա նշել է.«Ինձ մոտ շատ հարցեր էին առաջացել, թե ինչպես են թուրքերը մերժում Ցեղասպանությունը, ինչու նրանք ներողամտություն չեն հայցում դրա համար: Ես զայրացել էի ոչ միայն Թուրքիայի, այլ նաև ԱՄՆ-ի քաղաքականությունից, որը, որոշ ռազամավարական տեսանկյունից դուրս գալով, շարունակում էր Թուրքիայի մերժողական քաղաքականությունը: Այդ գիրքը կարդալուց հետո ես մեկնեցի Հայաստան, որտեղ ինձ օտար էի զգում: Հայաստանում էր, որ առաջին անգամ իմ ձեռքը ընկավ Միշելին Ահարոնյան Մարքոմի «Երեք խնձոր ընկավ դրախտից» գիրքը, որը պատմում է ցեղասպանության դեպքերի մասին»: 

 «Գիրքը կարդալուց հետո ես և ամուսինս որոշեցինք մեկնել Անատոլիա, որտեղ ես ինձ իմ ամբողջ կյանքի ընթացքում առաջին անգամ զգացի հայրենիքում: Շատ հետաքրքիր դիպված պատահեց Խարբերդում: Մենք գնացինք հնաոճ իրերի խանութ, որտեղի խանութպանը ինձ տեսնելով հարցրեց, թե ես Անատոլիայից եմ և նշեց, որ իմ աչքերում տեսնում է Անատոլիան»,- ավելացրել է նա:

Սակայն Թաթոյանը դատապարտել է նաև հայկական Սփյուռքը` նշելով, որ երկու պետությունների համար կարևոր է հարաբերությունների հաստատումը, որին սակայն խանգարում է Սփյուռքը: