Թագուհի Թովմասյանը դատի է տվել Լենա Նազարյանին
Իրավունք
Ազգային ժողովի պատգամավոր Թագուհի Թովմասյանը դատի է տվել ԱԺ փոխնախագահ Լենա Նազարյանին: Թովմասյանը պահանջում է վիրավորանք համարվող արտահայտության համար հրապարակայնորեն ներողություն խնդրել եւ փոխհատուցում վճարել: Թե որքան փոխհատուցում է պահանջում Թովմասյանը՝ դեռևս հայտնի չէ։
Երեկ՝ հունիսի 30-ին, նրա հայցը մակագրվել է Երեւան քաղաքի ընդհանուր իրավասության դատավոր Սերգեյ Սահակյանին:
Հիշեցնենք, որ հունիսի 3-ին Թագուհի Թովմասյանն ԱԺ ամբիոնից քննադատում էր իշխանության ներկայացուցիչների դիրքորոշումը` զինծառայողների դիերի ու մասունքների ոչ պատշաճ պահման փաստի վերաբերյալ։ Վերջինիս ելույթին Լենա Նազարյանն արձագանքել էր ասելով՝ «իդիոտկա»՝ չիմանալով, որ բարձրախոսը միացված էր և այդ արտահայտությունը լսելի կարող էր լինել բոլորի համար։
Լրագրողների հետ զրույցում Նազարյանն ասել էր, թե չի պատրաստվում ներողություն խնդրել Թագուհի Թովմասյանիվ, ավելին դեռ վերջինս պետք է ներողություն խնդրի. «Տիկին Թովմասյանն ինքը պետք է ներողություն խնդրի, որ, լինելով «Իմ քայլը» խմբակցության անդամ, իրականում եղել է իր թերթի թղթակից»։
Ամենադիտված 
-20․ ձյան տեսքով տեղումներ են սպասվում․ օդի ջերմաստիճանը կնվազի
