ԵՄ խորհրդի «լուրջ մտահոգությունը»՝ Վրաստանում տեղի ունեցող իրադարձությունների վերաբերյալ
Աշխարհ
Եվրամիության խորհուրդը դեկտեմբերի 17-ին հրապարակված ընդլայնման զեկույցում վերանայել է Վրաստանի ներկա իրավիճակը։ ԵՄ խորհուրդը հաստատում է վրաց ժողովրդին եվրոպական ճանապարհին աջակցելու Եվրամիության պատրաստակամությունը։ Միաժամանակ ԵՄ խորհուրդը կրկնում է Եվրամիության «լուրջ մտահոգությունները» Վրաստանի կառավարության կուրսի վերաբերյալ։
Զեկույցում խորհուրդը մտահոգություն է հայտնում Վրաստանի կառավարության վերջին որոշման առնչությամբ, ըստ որի` ԵՄ-ին երկրի անդամակցության գործընթացը կասեցվում է մինչև 2028 թվականը։ ԵՄ խորհուրդը նաև «խորը մտահոգություն» է հայտնում ժողովրդավարության, օրենքի գերակայության և հիմնարար իրավունքների ոլորտներում անկման կապակցությամբ։
Խորհուրդը խստորեն դատապարտում է խաղաղ ցուցարարներին, լրատվամիջոցների
ներկայացուցիչների և քաղաքական գործիչների նկատմամբ բռնությունները: Խորհրդի գնահատմամբ՝ Վրաստանի իշխանությունները պետք է հարգեն հավաքների և արտահայտվելու ազատության իրավունքը և զերծ մնան ուժի կիրառումից։
Ավելին՝ սկզբնաղբյուրում։
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
