Թրամփը ի չիք է դարձրել Պատերազմի «սառեցումը» Ռուսաստանի հետ․ Զելենսկի

ԱՄՆ նորընտիր նախագահ Դոնալդ Թրամփը ցանկանում է արագ դադարեցնել պատերազմն Ուկրաինայում, սակայն Կիևը չի պատրաստվում «հանձնվել» և «սառեցնել» ռազմական գործողությունները՝ հանուն բանակցությունների, հայտարարել է Ուկրաինայի նախագահ Վլադիմիր Զելենսկին։ Այս մասին փոխանցում է Le Parisien-ն։

«Թրամփը գիտի իմ ցանկության մասին՝ չշտապել ոչ մի տեղ՝ ի վնաս Ուկրաինայի։ Երկիրը երկար ժամանակ պայքարում է իր ինքնիշխանության համար։ Անկախ նրանից, թե քանի նախագահ կամ վարչապետ է ցանկանում հայտարարել պատերազմի ավարտը, մենք չենք պատրաստվում պարզապես հանձնվել և հրաժարվել մեր անկախությունից»,- ասել է Զելենսկին Le Parisien-ի ընթերցողների հետ զրույցում։ Նրա խոսքով, պատերազմի «սառեցման» և Ռուսաստանի հետ արագ պայմանավորվածությունների վտանգ կա։

Զելենսկին նաև նշել է, որ Թրամփին դեռ հասանելի չեն պատերազմի մասին անհրաժեշտ բոլոր տեղեկությունները, մասնավորապես՝ հետախուզական տվյալները։

 Զելենսկին միաժամանակ հույս է հայտնել, որ փոփոխությունները, որոնք տեղի են ունենում ԱՄՆ-ում՝ Թրամփի իշխանության գալով, լինելու է հօգուտ Ուկրաինայի։

«Մենք հարաբերություններ ենք կառուցելու նոր վարչակազմի հետ, դա լինելու է մեր առաջնահերթությունը։ Միացյալ Նահանգները եղել և մնում է մեր առաջատար դոնորն այս պատերազմում»,- եզրափակել է Ուկրաինայի նախագահը։