Հայկոն բուժում է ստանում, ստաբիլ վիճակում է․ ընտանիքի անդամ
Հասարակություն
Քիչ առաջ տեղեկություններ տարածվեցին, որ սիրված ու ճանաչված երգիչ Հայկոն ծայրահեղ ծանր ախտորոշմամբ տեղափոխվել է հիվանդանոց։ Նրա առողջական վիճակի վերաբերյալ տեղեկություններ ստանալու համար ԼՈՒՐԵՐ․com-ը փորձեց կապ հաստատել Հայկոյի նախկին կնոջ՝ Անահիտ Սիմոնյանի հետ, սակայն վերջինիս հեռախոսին պատասխանած անձը ներկայացավ որպես Հայկոյի քույր։
«Հայկոն սովորական բուժում է ստանում, ստաբիլ վիճակում է»,- ասաց նա։
Երգիչն այս պահին հիվանդանոցո՞ւմ է՝ հարցին ի պատասխան՝ ասաց․
«Համենայնդեպս ծայրահեղ ծանր վիճակում չէ, ինչպես գրում են։ Նորմալ բուժում է ստանում, ոչ մի խնդիր չկա»։
Նշենք, որ լուրեր են տարածվել, որ Հայկոն վարակվել է կորոնավիրուսով։
Ազգային ժողովի նախագահ Ալեն Սիմոնյանն այցելել է Միքայելյանի անվան վիրաբուժության ինստիտուտ, որտեղ գտնվում է երգիչը:
Հավելենք, որ տարիներ առաջ Հայկոյի մոտ քաղցկեղ էր ախտորոշվել, նա բուժում էր ստացել Գերմանիայում:
ՈՒՂԻՂ ԵԹԵՐ
Ամենադիտված 
«Ես չեմ թաքցնում, որ փոքրիկ միջամտություններ եմ անում, շատ վատ կլիներ, որ ես ինձ չհետևեի». Ալլա Լևոնյան
