Անգլիայում նեկրոֆիլ մարդասպանը 12 տարի դիահերձարաններում բռնաբարել է կանանց և երեխաների դիերը

Անգլիացի Դեյվիդ Ֆուլերը դատարանում խոստովանել է երկու աղջիկների սպանությունը, որի ժամանակ ի հայտ են եկել նրա կենսագրության այլ մանրամասներ։ Պարզվել է, որ նա 12 տարի շարունակ բռնաբարել է կանանց ու երեխաների դիերը Լոնդոնի մերձակայքում գտնվող դիահերձարաններում, գրում է BBC-ն։

Բրիտանական հանրությունը ցնցված է աննախադեպ վայրագությունից. առողջապահության նախարարը հրահանգել է ստուգել բոլոր դիահերձարանները, իսկ խորհրդարանի պատգամավորները պահանջել են հրապարակային հետաքննություն։

Ֆուլերը, որն այժմ 67 տարեկան է, աշխատել է Արևելյան Սասիքսի և Անգլիայի հարավ-արևելքում գտնվող Քենթի երկու հիվանդանոցներում: Նա նախընտրում էր երեկոյան հերթափոխը, իսկ աշխատանքից հետո, երբ հիվանդանոցը դատարկ էր, այցելելիս է եղել դիահերձարան։

Ֆուլերի տանը քննիչները հայտնաբերել են սեռական ոտնձգությունների ենթարկված կանանց դիակների միլիոնավոր լուսանկարներ և տեսանյութեր, այդ թվում՝ երեք աղջիկների: Ոստիկանության տվյալներով՝ կա առնվազն հարյուր զոհ։

Ֆուլերը դիահերձարաններում նեկրոֆիլիայով է զբաղվել 2008 թվականից մինչև 2020 թվականի նոյեմբեր։ Եվ դա պարզվել է միայն այն բանից հետո, երբ նա դատարանի առաջ կանգնեց Թունբրիջ Ուելսում 25-ամյա Վենդի Նելի և 20-ամյա Քերոլին Փիրսի սպանությունների համար:

Այս շրջանի բրիտանացի պատգամավոր Քրեյգ Քլարկը և նրա յոթ գործընկերները պահանջել են լայնածավալ հետաքննություն անցկացնել։

«Բրիտանիան չի իմացել մահացածների նկատմամբ ծաղրանքի` այսպիսի մասշտաբի նախադեպեր», - ասել է Քլարկը: «Այս հիվանդանոցներից մեկը բոլորովին նոր է, գերազանց ժամանակակից անվտանգության համակարգերով: Անկեղծ ասած, եթե նման բան տեղի է ունեցել այնտեղ, դա կարող է կրկնվել ցանկացած տեղ»:

«Հիմա գլխավորը ոչ միայն Ֆուլերին բանտ ուղարկելն է, ցանկալի է՝ մինչև իր օրերի ավարտը, այլև լրջորեն հարց տալը՝ ինչպե՞ս կարող էր դա տեղի ունենալ, և ինչպե՞ս համոզվել, որ դա չի կրկնվի»։