Սեքսապաթոլոգը թվարկել է այն սովորությունները, որոնք նպաստում են կանոնավոր օրգազմ ստանալուն

Մեդիտացիան, ֆիզիկական ակտիվությունն ու առողջ սննդակարգը նպաստում են կանոնավոր օրգազմ ստանալուն, ասել է սեքսապաթոլոգ Ռինալիա Սաֆինան։ Այս և այլ սովորություններ, որոնք նպաստում են սեքսի գագաթնակետին հասնելուն, նա թվարկել է «Доктор Питер»-ի հետ հարցազրույցում:

Նա պարզաբանել է, որ կանոնավոր ֆիզիկական ակտիվությունը կօգնի բարձրացնել տոկունությունը, ինչպես նաև սեռական ակտի տևողությունը։ «Մկանների ուժն ու առաձգականությունը բարելավվում է, մարմինը զարգանում է, և դա ավելի շատ հնարավորություն է տալիս անկողնում դիրքեր և սցենարներ ընտրելու համար: Եվ, իհարկե, սպորտը դա «լավ» հորմոններն է՝ տեստոստերոնը, որն ազդում է սեռական ցանկության վրա և՛ տղամարդկանց, և՛ կանանց մոտ, և էնդորֆինը` երջանկության հորմոնը»,- բացատրել է Սաֆինան: Նա հավելել է, որ երբ մարդ երջանիկ է, նա սեր է ուզում։

Բացի այդ, շարունակել է սեքսապաթոլոգը, մեդիտացիան կսովորեցնի կենտրոնանալ զգացողությունների վրա։ «Մեդիտացիան և շնչառական պրակտիկան պարզապես անհրաժեշտություն են: Դրանք ձեզ սովորեցնում են լինել ներկա պահին, ուշադրություն դարձնել ձեր հույզերի և զգացմունքների վրա, լինել «այստեղ և հիմա»», - ասել է նա։

Սեքսապաթոլոգը նաև խորհուրդ է տվել սովորություն ձեռք բերել ուսումնասիրել ինքներդ ձեզ՝ գտնելու ձեր սեփական էրոգեն գոտիները և սովորել, թե ինչպես ինքներդ ձեզ կարող եք հաճույք պատճառել, որպեսզի հետագայում բացատրեք ձեր զուգընկերոջը՝ ինչ անել, ինչպես և ինչ արագությամբ:

Բացի այդ, նա խորհուրդ է տվել վերանայել սնուցման վերաբերյալ տեսակետները և արագ սննդի փոխարեն ընտրել առողջարար ճարպերով, բարդ ածխաջրերով և սպիտակուցներով որակյալ սնունդ։ Ի վերջո, Սաֆինան կարևոր է անվանել ինտիմ մարմնամարզությամբ զբաղվելու սովորությունը։