Ի՞նչ ունեք ինձ հետ կիսելու, եթե ոչ մեկի հաշվին չեմ իմ հանրային գործունեությունը ծավալում․ Արտակ Բեգլարյան

Ոչ մի քաղաքական ուժի հետ կապ ու կախվածություն չունենք: Այս մասին ֆեյսբուքյան իր էջում գրել է Արցախի պետնախարարի նախկին խորհրդական Արտակ Բեգլարյանը:

«Արդեն որերորդ անգամ է, ինչ տարբեր լրատվամիջոցներ ու բլոգերներ հրապարակումներ են անում և ինձ ու Արցախի ժողովրդի կարիքների ապահովման նախաձեռնությանը խիստ անհիմն կերպով «կապում» են ՀՀ իշխանությունների հետ: Հատկանշական է, որ իշխանական քարոզչամեքենան էլ մեզ «կապում» է ընդդիմության հետ:

Այնինչ, իրականում ոչ մի քաղաքական ուժի հետ կապ ու կախվածություն չունենք. նրանք փաստորեն ի վիճակի չեն հասկանալ, որ մենք կարող ենք պարզ ու ազնիվ մղումներ ունենալ՝ օգնելու մեր ժողովրդին: Ամեն մեկն իր արշինով է չափում դիմացինին...

Ցավում եմ, որ որոշ լրատվամիջոցներ նախընտրում են հրապարակել կոնկրետ անձանց նեղ անձնական շահերն ու մտամոլորությունները սպասարկող չհիմնավորված կարծիքները՝ առանց որևէ ապացույց ներկայացնելու: Երկար ժամանակ է, ինչ տարբեր շրջանակներ անընդհատ իմ դեմ կեղծ տեղեկություններ են տարածում՝ հարվածի տակ դնելով իմ բարի համբավը և, դրանով, իմ հանրային գործունեության արդյունավետությունը: Թո՛ղ որևէ մեկը ներկայացնի որևէ ողջամիտ ապացույց, թե ինչպես եմ ես ՀՀ իշխանությունների ազդեցության տակ կամ ինչպես եմ սպասարկում նրանց օրակարգը, և ես ներողություն կխնդրեմ ու կդադարեցնեմ իմ հանրային գործունեությունը: Նույնը մնացած զրպարտություններին է վերաբերում՝ ինչ-որ արտաքին ուժերի, կոռուպցիայի և այլ հորինվածքների մասին:

Ազնիվ ու օբյեկտիվ մարդը, մեղադրանքներ հնչեցնելուց առաջ, պետք է պարզապես ստուգի փաստերը և դիմացինի գործունեության մանրամասները՝ հետո իրեն իրավունք վերապահի որևէ բացասական կարծիք հնչեցնել ու հրապարակել:

Իշխանությունների ազդեցության տակ գտնվող անձը կամ խումբը արդյո՞ք նման կոշտ քննադատություններով հանդես կգան, արդյո՞ք Արցախի պետական մարմինների հետ կքննարկեն իրենց մոտեցումները և հրապարակային պահանջների մեջ կներառեն Արցախի պետական մարմինների հետ հաշվի նստելու դրույթը, արդյո՞ք մեր դեմ իշխանությունները ճնշումներ ու հետապնդումներ կսկսեին, արդյո՞ք մեզ ցուցադրաբար կանտեսեին և հանրային քննարկումները կանեին առանց մեզ ու ԱՀ պետական մարմինների, և այլն, և այլն:

Պահանջում եմ բոլոր լրատվամիջոցներից ու անձանցից իմ մասին տեղեկություններ ու կարծիքներ հրապարակելուց առաջ ինձնից ևս կարծիք վերցնել և զերծ մնալ անապացույց պնդումներից: Եթե այս կեղտոտ արշավը շարունակվի, ես ստիպված եմ լինելու դիմել իրավական գործիքակազմերի կիրառման և հասնել զրպարտիչների իրավական պատասխանատվության, որքան էլ հրապարակումներ կատարողները փորձում են օգտվել իրավական բացերից:

Հ.Գ. Ի՞նչ ունեք ինձ հետ կիսելու, եթե ոչ մեկի հաշվին չեմ իմ հանրային գործունեությունը ծավալում և առանց որևէ անձնական շահի ու վարձատրության անխոնջ կերպով փորձում եմ իմ ծառայությունը բերել Հայրենիքին ու ժողովրդին: Թե՞ Ձեզ համար խորթ է, որ մարդը ազնիվ մղումներով փորձում է ծառայել այլոց ու իր արժեքներին՝ առանց որևէ տողատակի ու հետին մտքի»։

Այս թեմայով Ոստիկաննե՛ր, համոզվա՛ծ եղեք, Փաշինյանը ասելու է՝ ինքն անհամաչափ ուժ կիրառելու հրաման չի տվել․ Արտակ Զաքարյան Արթուր և Արտակ Սարգսյանները 72-ժամյա ռեժիմով ձերբակալվեցին, ըստ պաշտպանի՝ Շարժմանը աջակցելու համար Տարածքների կորուստների ֆոնին գեներալական կոչումները հուշում են, որ շուտով կբաժանվեն մարշալի կոչումներ․ Արտակ Զաքարյան Արտակ Բեգլարյանն իր ցավակցությունն է հայտնել Վանաձորի աղետից զոհվածների ընտանիքներին Բարոյապես պարտված, քաղաքականապես սպառված և իրականությունից կտրված մարդու ելույթ էր․ Արտակ Զաքարյանը՝ Փաշինյանի ուղերձի մասին Խնդրում եմ` որոշում կայացնելիս լինել անաչառ. Բարսեղ Բեգլարյան (տեսանյութ) Շատ ոստիկանների համար Հայրենիքն ավելի կարևոր է, քան իշխանությունից ստացած էժանագին վախերը. Արտակ Զաքարյան Բագրատ Սրբազանը ճիշտ առաջնորդ է, անվերապահ աջակցում եմ նրան. բազմաթիվ արցախցիներ են միացել շարժմանը. Բեգլարյան (տեսանյութ) Ողջունում ենք այն բոլոր նախաձեռնությունները, որոնք ազնիվ մղումով միտված են պետության գահավիժումը կասեցնելուն. Արտակ Զաքարյան 2021թ.-ին Նիկոլը «շանս էր տվել» մեր ժողովրդին՝ հրաժարվել թուրք-ադրբեջանական պարտադրվող օրակարգերից. Արտակ Զաքարյան