Դարձյալ՝ անձնական էմոցիաներ․ Aravot.am

1997 – 2015 թվականներին Հանրային ռադիոյի գործադիր տնօրենն էր Արմեն Ամիրյանը, որն այդ ընթացքում որեւէ քաղաքական ուժի հանդեպ համակրանք ունենալու մեջ, ինչպես ասում են, «չէր կասկածվում»: Երբ 2000-ականների սկզբին «մոլեգնում էր» քոչարյանական «Հայլուրը», Հանրային ռադիոն, ընդհանուր առմամբ, պահպանում էր իր չեզոքությունը: 2017-18 թվականներին նույն պաշտոնը զբաղեցնում էր Մարկ Գրիգորյանը, որը նույնպես «ապաքաղաքական պրոֆեսիոնալ» է: Այժմ այդ ավանդույթը, կարծես թե, խախտվում է, եւ «դեպի իշխանությունը չկողմնորոշված» մասնագետ Գարեգին Խումարյանին փոխարինելու են «կողմնորոշվածով»: Հանրային հեռարձակողի խորհուրդը, որն իրենով փոխարինել է անկախ մրցութային հանձնաժողովը, այստեղ զուտ «տեխնիկական» դեր է խաղում:

Պարզ է, որ այսօր մեդիադաշտի կառուցվածքն այլ է, եւ այն հարցերը, որոնք սուր էին դրված 10 կամ 20 տարի առաջ, այսօր որոշ չափով կորցրել են իրենց արդիականությունը: Հեռուստատեսության եւ ռադիոյի հանձնաժողովը ինչպես Քոչարյանի եւ Սարգսյանի ժամանակ «Ա1+»-ին չէր թողնում եթեր, այդպես էլ հիմա: Բայց այժմ կան հարյուրավոր մեդիահարթակներ, որոնք, նույնիսկ ցանկության դեպքում, իշխանությունը չի կարող վերահսկել, եւ շատ դեպքերում այդ հարթակներն ավելի ազդեցիկ են, քան «պաշտոնապես» գործող լրատվամիջոցները: (Ինչո՞ւ է դա այդպես, լա՞վ է դա, թե՞ վատ՝ առանձին խոսակցության առարկա է): Եթե Գարեգին Խումարյանը շարունակի ղեկավարել Հանրային ռադիոն, դա, մեծ հաշվով, որեւէ վտանգ չի ներկայացնի իշխանության համար: ՀՌ տնօրենին փոխելու նախաձեռնությունը, կարծում եմ, բխում է Փաշինյանի անձնական վրեժխնդրությունից: 

Փետրվարի 1-ին վարչապետը հարցազրույց էր տվել Հանրային ռադիոյին, եւ Խումարյանը հրապարակավ դժգոհություն էր հայտնել իր լրագրողի աշխատանքից, որն, իր կարծիքով, չէր խորացել խնդիրների էության մեջ: (Խոսքը, հիշեցնեմ, մասնավորապես, Սահմանադրությունը փոխելու մասին էր՝ «ցուլերին կարմիր շորով չգրգռելու նպատակով»): Պատահում է՝ ես էլ եմ երբեմն «Առավոտի» աշխատակիցներից դժգոհում: Բայց Փաշինյանը, հավանաբար, դա համարեց անձնական վիրավորանք եւ հրամայեց փոխել Խումարյանին մի անձով, որի նվիրվածությունը կասկածի տեղիք չի տալիս: Ահա ամբողջ պատմությունը:

Արամ ԱԲՐԱՀԱՄՅԱՆ

Այս թեմայով Ամերիկացի միլիարդատեր Ջեֆ Բեզոսը 80 մլն դոլար արժողությամբ անձնական ինքնաթիռ է գնել Շախմատի Եվրոպայի պատանիների առաջնությունում հայ շախմատիստները դարձյալ առաջատարների շարքում են Նախատեսվող Ֆուտբոլային ակադեմիայի հիմնադիրը 20 տարեկանում օֆշորում գրանցված ընկերություն էլ էր հիմնել. Aravot.am Ամուլսարի հանքում պետությանը բաժնեմասի նվիրատվությունը դարձյալ հետաձգվում է. Civilnet Իրավապահները փնտրում են Նոյեմբերյանի բ/կ ինֆեկցիոն մասնաշենքը վերակառուցողին. Aravot.am Հաղթել Փաշինյանին լեզվակռվո՞ւմ. Aravot.am Կառավարությունը որոշել է նվազեցնել ցամաքային սահմանով անձնական իրերի ներմուծման արժեքը՝ 500 եվրոյից սահմանելով 200 եվրո. Առաքելյան Ավելացել են զեղծարարների կողմից անձնական և բանկային տվյալներ ձեռք բերելու փորձերը․ Կենտրոնական բանկը հորդորում է լինել զգոն Քոբի Բրայանտի անձնական պահարանը աճուրդում վաճառվել է 2,9 մլն դոլարով Թաթայի մենահամերգը Գյումրի է բերում նաև Նիկոլ Փաշինյանին. Aravot.am