Անահիտ Ավանեսյանը Գեղարքունիքի մարզում է․ քննարկում են քաղցկեղի վաղ հայտնաբերման ծրագրերը

Առողջապահության նախարար Անահիտ Ավանեսյանն աշխատանքային այց է կատարել Գեղարքունիքի մարզ

Մարզպետ Կարեն Սարգսյանի հետ քննարկվել են մարզում բնակչության համար բժշկական ծառայությունների հասանելիությունը և որակի բարելավմանն ուղղված պետական ծրագրերը, հայտնում են Առողջապահության նախարարության մամուլի ծառայությունից։

Նախարարը կարևորել է քաղցկեղի վաղ հայտնաբերման ծրագրերը, որոնց շրջանակներում սեպտեմբերի 2-ից Գեղարքունիքի մարզում մեկնարկել է կրծքագեղձի քաղցկեղի սքրինինգային ծրագիրը, որն իրականացվում է ԱՆ պատվերով` Ֆանարջյանի անվան ուռուցքաբանության ազգային կենտրոնի կողմից։ Շարժական մամոգրաֆն այժմ Վարդենիս քաղաքում է, այնուհետև կլինի Մարտունի, Գավառ, Ճամբարակ և Սևան քաղաքներում։

Կրծքագեղձի վաղ շրջանի ուռուցքի հայտնաբերման դեպքում հիվանդների բուժումը կիրականացվի անվճար, պետպատվերի շրջանակներում։

«Այս տարի էապես ավելանում են նաև պետպատվերի ծավալները, որոնք համաչափորեն բաշխվելու են նաև Գեղարքունիքի մարզի բուժհաստատություններին։ Կապիտալ շինարարությունների իրականացման ուղղությամբ ևս մեր համատեղ ու համագործակցված աշխատանքը ստացվում է։ Պետական ծրագրերով նախատեսված բոլոր շինարարությունները կիրականացվեն սահմանված ժամկետներում։ Լճափի ԱԱՊԿ նորակառույց շենքի վերազինման խնդիրը լուծվելու է նախարարության միջոցների հաշվին»,-նշել է Անահիտ Ավանեսյանը։

Նախարարն ու մարզպետն այցելել են նաև Վարդենիսի բժշկական կենտրոն, որտեղ կիրականացվեն ընթացիկ արդիականացման աշխատանքներ։ Քննարկվել է նաև բժշկական կենտրոնի նոր շենքի կառուցման հարցը. գործընթացն այժմ նախագծման փոլոում է։

Այս թեմայով Անահիտ աստվածուհու արձանը Հայաստանում է Պլանային ջրանջատում Երևանում և Կոտայքի մարզում սեպտեմբերի 17-ին Հայաստանի երեք մարզում տեխնոլոգիական դասընթացներ են անցկացրել Թենիսիստուհի Էլինա Ավանեսյանը մամուլի ասուլիս կտա Հայաստանը ներկայացնող թենիսիստուհի Էլինա Ավանեսյանը մամուլի ասուլիս կտա Փաշինյանը կարևորել է առողջապահության ոլորտում այն ծրագրերը, որոնք ուղղված են քաղցկեղի բուժմանը «Դավիթ Հակոբյանը ոչինչ չիմացող Անահիտի ձեռքը բռնեց, տարավ թատրոն, հավատաց իմ ուժերին». Անահիտ Կիրակոսյան Շիրակի մարզում խոշոր ավտովթար է տեղի ունեցել․ 6 վիրավոր կա Սեպտեմբերի 21-ին, Անահիտ աստվածուհու բրոնզե արձանը կցուցադրվի Հայաստանի պատմության թանգարանում Խոշոր ավտովթար Կոտայքի մարզում, 7 հոգի տեղափոխվել են տարբեր բժշկական կենտրոններ