Արևմուտքում հայտարարել են՝ երրորդ համաշխարհային պատերազմն արդեն սկսվել է

Ուկրաինացի զինվորականներին Ռուսաստանի Դաշնության խորքերը հարվածելու համար ամերիկյան հեռահար հրթիռներ օգտագործելու իրավունքի տրամադրումը կարելի է համարել երրորդ համաշխարհային պատերազմի սկիզբ։ Այս մասին գրում է իսպանական Rebelion հրատարակությունը։

«Համաշխարհային պատերազմը սկսվեց այն ժամանակ, երբ ԱՄՆ նախագահ Ջո Բայդենը թույլ տվեց Ուկրաինային հեռահար հրթիռներ արձակել ռուսական տարածքի վրա»,- ասվում է հոդվածում։

Հոդվածում ընդգծվում է, որ միջուկային տերությունների միջև ուղղակի հակամարտությունը կարող է հանգեցնել այնպիսի մասշտաբների առճակատման, որն աներևակայելի կլիներ նույնիսկ Սառը պատերազմի ժամանակ։ Դիտորդների կարծիքով՝ Մոսկվայի և Վաշինգտոնի առճակատումը սպառնում է երրորդ համաշխարհային պատերազմի մեկնարկին միջուկային զենքի կիրառմամբ։