ԿԳՄՍ փոխնախարարը հանդիպել է «Նոր ալիք 2024» մրցույթում հաղթած երգչուհի Անահիտ Հակոբյանի հետ

ՀՀ ԿԳՄՍ նախարարի տեղակալ Դանիել Դանիելյանը ընդունել է «Թովմասյան» հիմնադրամի տնօրեն, երգահան Սյուզաննա Թովմասյանին և «Նոր ալիք 2024» միջազգային մրցույթում հաղթած երգչուհի Անահիտ Հակոբյանին:

Դանիել Դանիելյանը շնորհավորել է Անահիտ Հակոբյանին մրցույթում տարած հաղթանակի կապակցությամբ և նորանոր հաջողություններ մաղթել միջազգային հարթակներում՝ կարևորելով Հայաստանի ներկայացվածությունը տարբեր միջազգային ստուգատեսներում և մրցույթներում:

Անահիտ Հակոբյանը շնորհակալություն է հայտնել գնահատանքի համար և նշել, որ իր համար մեծ պատիվ էր Հայաստանը միջազգային այս հարթակում ներկայացնելը, և իր բոլոր ջանքերն ուղղված էին մեր երկիրը բարձր մակարդակով ներկայացնելուն:

Պետություն-մասնավոր հատված համագործակցության համատեքստում նախարարի տեղակալը և «Թովմասյան» հիմնադրամի տնօրենը քննարկել են նաև համատեղ հետաքրքրություն ներկայացնող ծրագրեր և նախանշել փոխգործակցության հնարավոր տարբերակներ ու ձևաչափեր:

Նախարարի տեղակալն անդրադարձել է նաև ԿԳՄՍՆ նոր նախաձեռնությանը, ըստ որի՝ նոր ուսումնական տարին անցնելու է մշակութային կրթության տարվա խորագրի ներքո: «Այն միտված է երեխաների ստեղծագործական կարողությունների բացահայտմանն ու նախաձեռնողականության խթանմանը: Ուսումնական տարվա շրջանակում կազմակերպվելու և իրականացվելու են բազմաբնույթ մշակութային միջոցառումներ, որոնք մեկնարկելու են մշակութային կրթությանը նվիրված էքսպոյից»,- ասել է նախարարի տեղակալը և առաջարկել հնարավոր համագործակցության ծրագրերը ձևավորել մշակութային կրթության համատեքստում:

Այս թեմայով Անահիտ աստվածուհու արձանը Հայաստանում է Մենք մեր երկիրը գրեթե չենք ճանաչում, այնքան բան կա իմանալու․ ԿԳՄՍ նախարար Երգչուհի Մալենայի նոր լուսանկարները (լուսանկարներ) ՔՊ-ականները բիզնես նախաճաշի ֆորմատով հանդիպել են առևտրային բանկերի ղեկավարների հետ Հայաստանում առաջին անգամ անցկացվում է Furniture Expo 2024 կահույքի մասնագիտացված ցուցահանդեսը Աննա Հակոբյանի հիմնադրամը և Չինաստանի «Soong Ching Ling» հիմադրամի բարեգործական հիմնադրամները պայմանավորվել են գործակցել մի շարք ծրագրերի շրջանակում ՀՀ ԱԳ փոխնախարարը և ՄԱԿ պաշտոնյան հանդիպում են ունեցել հայ երիտասարդների հետ «Դավիթ Հակոբյանը ոչինչ չիմացող Անահիտի ձեռքը բռնեց, տարավ թատրոն, հավատաց իմ ուժերին». Անահիտ Կիրակոսյան Քննարկվել են ԿԳՄՍ բոլոր ուղղություններով Հայաստանի և Լատվիայի միջև համագործակցության հեռանկարները Շոյգուն ու Կիմ Չեն Ընը հանդիպել են