Թել Ավիվի տարածքում ռազմական օբյեկտներ են ոչնչացվել․ Յահյա Սարիա

Եմենի հութիները Անսար Ալլահ ապստամբ շարժումից անօդաչու թռչող սարքի հարված են հասցրել Թել Ավիվի շրջանում՝ ոչնչացնելով իսրայելական ռազմական օբյեկտներից մեկը։ Այս մասին հայտարարել է ապստամբների կողմից ստեղծված զինված ուժերի ներկայացուցիչ Յահյա Սարիան, հայտնում է ՏԱՍՍ-ը։

«Եմենի ուժերը անօդաչու թռչող սարքի միջոցով իրականացրել են իսրայելական թշնամու ռազմական կայանքը ոչնչացնելու գործողությունը», - ասել է շարժման ներկայացուցիչը:

Բացի այդ, հութիների խոսնակն ասել է, որ Անսար Ալլահ շարժումը Իրաքի իսլամական դիմադրության շիա ապստամբների հետ մի քանի անօդաչու սարքերով հարձակվել է «գրավյալ Պաղեստինի հարավում կենսական նշանակության թիրախների վրա»։