Նշվել են 2024 թվականի լավագույն սմարթֆոնները

Հանրաճանաչ IT բլոգեր Մարկես Բրաունլին, ով YouTube-ում գրեթե 20 միլիոն հետևորդ ունի, ընտրել է 2024 թվականի գլխավոր սմարթֆոնները։ Տեսանյութը հրապարակվել է հեղինակի յութուբյան ալիքում։

Բրաունլին տարվա լավագույն հեռախոս է անվանել առաջատար Samsung Galaxy S24 Ultra-ն։ Մասնագետի խոսքով՝ գաջեթը կարող է ձանձրալի թվալ, քանի որ չունի արտասովոր առանձնահատկություններ, օրինակ՝ ծալովի դիզայն։ «Սակայն այն ունի հիանալի էկրան, հիանալի մարտկոց, հիանալի տեսախցիկներ»,- ընդգծել է բլոգերը։ Galaxy S24 Ultra-ն հաղթել է նաև «Լավագույն մեծ սմարթֆոն» անվանակարգում:

Լավագույն փոքր հեռախոս է ճանաչվել iPhone 16-ը, որն ունի 6,1 դյույմանոց էկրան և հեշտությամբ տեղավորվում է մի ձեռքում։ «Լավագույն տեսախցիկ» անվանակարգում հաղթել է iPhone 16 Pro-ն, «Որակի և գնի լավագույն համադրություն»՝ Nothing Phone 2a, «Լավագույն մարտկոց»՝ Red Magic 10 Pro, «Լավագույն դիզայն»՝ Huawei Mate XT:

Բրաունլին գովաբանել է Google Pixel 9 Pro Fold-ի ստեղծողներին լավագույն նորարարությունների համար։ Հեղինակը Google Pixel 9 Pro Fold-ն անվանել է տարվա գլխավոր ծալովի սմարթֆոն։ Բլոգերը Asus Zenfone 11 Ultra-ն անվանել է 2024 թվականի ձախողում։