Փաշինյանն Ադրբեջանին ու Ռուսաստանին մեղադրեց նոյեմբերի 9-ի հայտարարությամբ ստանձնած պարտավորությունները ոչ ամբողջությամբ կատարելու մեջ

«Երևանյան երկխոսություն» խորագրով համաժողովի ժամանակ Նիկոլ Փաշինյանը հայտարարել է, որ որևէ մեկը հիմք չունի Հայաստանին 2020 թվականի նոյեմբերի 9-ի եռակողմ հայտարարության դրույթները չկատարելու մեջ մեղադրել։

«Եռակողմ հայտարարության յոթերորդ կետը փաստում է. «ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ՝ ՄԱԿ-ի փախստականների հարցերով գերագույն հանձնակատարի գրասենյակի վերահսկողության ներքո»:

Ինչպես տեսնում եք, 2020 թվականի նոյեմբերի 9-ից հետո, երբ Ռուսաստանի Դաշնության նախագահը, Ադրբեջանի նախագահը և ես այդ փաստաթուղթը ստորագրեցինք, ոչ միայն այդ պահին Լեռնային Ղարաբաղն ու հարակից տարածքները լքած հայ փախստականները չեն վերադարձել, այլև ուղիղ մեկ տարի առաջ տեղի ունեցած էթնիկ զտումների հետևանքով Լեռնային Ղարաբաղն ամբողջությամբ հայաթափվել է»,- մանրամասնեց Փաշինյանը:

Նա մեջբերեց նաև եռակողմ հայտարարության ութերորդ կետը, որում ասում է. «Իրականացվում են ռազմագերիների, պատանդների և այլ պահվող անձանց, ինչպես նաև զոհվածների մարմինների փոխանակում»:

Նիկոլ Փաշինյանն արձանագրեց, որ մինչ օրս Ադրբեջանում կան հայ ռազմագերիներ, պատանդներ և այլ պահվող անձինք, որոնք մինչ օրս չեն վերադարձվել:

«Սա դրույթ է, որը նույնպես կա նոյեմբերի 9-ի եռակողմ հայտարարության մեջ, և որն, ինչպես տեսնում եք, չի կատարվել: Որևէ գործընկեր հիմք չունի Հայաստանին մեղադրելու 2020 թվականի նոյեմբերի 9-ի եռակողմ հայտարարության  որևէ դրույթ չիրականացնելու մեջ: Ինչպես տեսնում եք, Հայաստանն ու միջազգային ցանկացած անկախ և օբյեկտիվ դիտորդ ունի հիմքեր՝ ասելու, որ եռակողմ հայտարարության մեր մյուս գործընկերները առնվազն ամբողջությամբ չեն իրականացրել իրենց պարտավորությունները»,- նշեց Նիկոլ Փաշինյանը:

Նյութի աղբյուր՝ 168․am

Այս թեմայով Նիկոլ Փաշինյանն իր «ռեպերտուարի» մեջ է. ովքե՞ր նրան փրկօղակ կնետեն. «Փաստ» Ինչո՞ւ Սեժուրնեն Երևանում «հիշեց» Ռուսաստանին. Սուրենյանց Իրանը հերքել է Ռուսաստանին բալիստիկ հրթիռներ վաճառելու լուրերը Դպրոցներում «Վերջին զանգ» անցկացնելիս կարիք կա քաղքենիական միջավայրից անցում կատարելու իրական արժեքներին․ նախարար «Գեղաձոր» գյուղի ճանապարհին բռնություն գործադրելու և խուլիգանություն կատարելու վերաբերյալ վարույթով նախաքննությունը շարունակվում է Նիկոլ Փաշինյանն ընդունել է Ալեքսեյ Օվերչուկին. քննարկել են հայ-ռուսական հարաբերությունները Փաշինյանն ընդունել է ՄԱԿ զբոսաշրջության համաշխարհային կազմակերպության գլխավոր քարտուղարին Կրասնոդարում ՌԴ ՊՆ-ից հափշտակում կատարելու գործով ձերբակալվել է գործարար Սուրեն Գրիգորյանը ՈՒՂԻՂ. Փաշինյանն ԱԺ-ում է, պատասխանում է պատգամավորների հարցերին Երևանը նման համերգ դեռ չի տեսել նոյեմբերի 16֊ին