Մի' փնտրեք կոռուպցիոն ռիսկեր այնտեղ, որտեղ չկան, սենսացիա չեք գտնի. Նաթան Սրբազանը՝ Մայր տաճարի նորոգման մասին

Այն կանխավարկածը, որ մայր տաճարի վերանորոգման գումարներ կարող են փոշիացվել, կարծում եմ՝ այդ խոսույթից մենք պետք է հրաժարվենք՝ հաշվի առնելով, թե ում մասին է խոսքը: Այս մասին, այսօր՝ սեպտեմբերի 17-ին, Մայր տաճարում լրագրողների հետ զրույցում ասաց Գերաշնորհ Տեր Արշակ արքեպիսկոպոս Խաչատրյանը:

Հարցին՝ ինչո՞ւ այդքան երկար տեւեց Մայր տաճարի վերանորոգումը, նա պատասխանեց. «Մայր տաճարի շինարարությունն, ըստ էության, սկսվել է 2017-ին: 2012-ից 2017-ը ուղղակի ուսումնասիրական աշխատանքներ են արվել: Մայր տաճարի վթարայնությունը շատ պատահական է բացահայտվել: Երբ անհրաժեշտություն առաջացած Մայր տաճարի գմբեթի խոտերը հեռացնել, պարզվեց, որ այդ ճաքերը խորանում են մինչեւ հիմքեր, այսինքն Մայր տաճարը վթարային վիճակում էր:

Հիմա ես ալտերնատիվ սցենարը չունեմ, թե նմանօրինակ մի կառույց, մի տաճար նորոգելու համար արդյոք ավելի կարճ ժամանակամիջոցում հնարավոր էր անել: Դա մասնագետները պետք է ասեն, եւ նրանք են, որ այս աշխատանքներն իրականացրել են: Ես կարծում եմ՝ ժամանակահատվածն օպտիմալ է եղել»:

Իր հերթին Մայր Աթոռ Ս. Էջմիածնի  Արտաքին հարաբերությունների և արարողակարգի բաժնի տնօրեն Տ. Նաթան արքեպիսկոպոս Հովհաննիսյանն ասաց. «Ես հասկանում եմ, որ մամուլի շուկայում կոռուպցիոն ռիսկերով նման նորությունները շատ ավելի հետաքրքրական ու արժեքավոր են: Մյուս կողմից մեր բարերարները, որոնք տալիս են այդ գումարները, իրենք իրենց տված գումարների հետքերով գնում են: Եթե ամբողջական պատկերն ենք ուզում իմանալ, այս տարվա վերջին բարձրագույն հոգեւոր խորհրդին հաշվետու ժողով կլինի եւ հաշվետվությունը կլինի Մայր տաճարի նորոգման հետ կապված: 

Մի փնտրեք կոռուպցիոն ռիսկեր այնտեղ, որտեղ դրանք չկան, որովհետեւ միեւնույն է, սենսացիա չեք գտնի: Եթե լինի էլ, հնարավոր է, որ հնարովի մնացածին բաներ լինեն»:

Այս թեմայով Լոռիում և Տավուշում հեղեղումներից վնասված մեքենաների տերերը փոխհատուցում կստանան․ մանրամասներ գումարի մասին Արցախի բռնազավթման մասին չխոսելը ապացույց է , որ այս իշխանությունները նվիրել են թշնամուն (տեսանյութ) Ավանեսյանը կմասնակցի՞ Մայր Տաճարի վերաօծմանը․ պարզաբանում է խոսնակը․ ArmLur Ծանրության կենտրոնը տեղափոխվում է հյուսիս. Իսրայելը հայտարարել է պատերազմի նոր փուլի մասին 5 առասպել լյարդի առողջության մասին Լիբանանում դարձյալ պայթել են «Հըզբոլլահ»-ին պատկանող կապի միջոցները. հաղորդվում է 3 զոհի մասին Հովիկ Աղազարյանը հարմար չի գտնում Մայր տաճարի վերաօծման արարողությանը մասնակցելը Գարեգին Բ-ն ընդունել է Մյուռոնօրհնության և Մայր Տաճարի վերաօծման արարողություններում ներգրավված կամավորներին «Ժամանակացույցս հստակ չգիտեմ այս պահին»․ ՔՊ-ական պատգամավոր Ծովինար Վարդանյանը՝ Մայր Տաճարի վերաօծմանը մասնակցելու մասին Լույս է տեսել հոդված, որտեղ Շուշին ներկայացվում է որպես ադրբեջանական քաղաք՝ ստանալով «Փոքրիկ Փարիզ» անվանումը