Նազարբաևը համաձայնել է մասնակցել Ղազախստանի նախագահի ընտրություններին

Ղազախստանի գործող նախագահ Նուրսուլթան Նազարբաևը համաձայնել է մասնակցել նախագահական ընտրություններին: Այս մասին հաղորդում է ՏԱՍՍ-ը:

«Մեր հաջողությունների հիման վրա, որոնց մասին դուք արդեն գիտեք, պետք է առաջ շարժվենք` մեր պետականությունն ամրապնդելու համար: Այնպես որ, ես եկա այստեղ և ելույթ ունենալով ձեր առջև՝ հավանաբար, կհամաձայնվեմ ձեզ հետ իմ թեկնածությունն առաջադրելու շուրջ»,- ասել է Նազարբաևը:

Ավելի վաղ Նազարբաևի թեկնածությունն առաջադրվել էր «Նուր Օթան» կուսակցության կողմից:

Ղազախստանի ԿԸՀ-ն արդեն գրանցել է նախագահի պաշտոնի երկու թեկնածուներին: