Դատարանն ամերիկացուն արգելել է ծխել սեփական տանը
Աշխարհ
Վաշինգտոնի բնակիչ Էդվին Գրեյին դատարանը ժամանակավորապես արգելել Է սիգարետներ, սիգարներ և մարիխուանա ծխել սեփական տանը: Այս մասին, ինչպես տեղեկացնում Է «Արմենպրես»-ը, հաղորդել Է ABC7-ը: Գրեյի հարևանները գանգատվել են այն ծխի հոտից, որն իրենց տուն Է հասնում նկուղի անցքից:
Նշվում Է, որ մոլի ծխողի կողքին ապրողները շուրջ մեկ տարի առաջ են տեղափոխվել նոր տուն: Նախ նրանք փորձել են տղամարդուն համոզել, որ նա տանը չծխի, իսկ երբ նա հրաժարվել Է, քաղաքացիական հայց են հարուցել: Բացի ծխելու արգելքից, ընտանիքը պահանջել Է իրեն 500 հազար դոլար վճարել որպես վնասի փոխհատուցում:
Դատաքննությունների ընթացքում Գրեյին, նրա ընտանիքի անդամներին և նանց հյուրերին արգելել են ծխել շենքի ներսում: Գրեյի քույրը՝ Մոզելլա Ջոնսոնը, հայտարարել Է, թե ցնցված Է պատահածից և չի հասկանում, թե ինչու են իր ընտանիքին արգելում ծխել սեփական տանը, որի սեփականտերն Է նա ավելի քան կես դար: Ջոնսոնը ճշտել Է, որ մտադիր Է եղբոր հետ շարունակել պայքարը հարևանների դեմ:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
