Հուժկու բռնկում է տեղի ունեցել Արեգակի վրա
Աշխարհ
Մարտի 11-ին երեկոյան Արգակի մակերևույթին տեղի է ունեցել X դասի հուժկու բռնկում, որը SDO արեգակնային դիտարանը գրանցել է լուսատուի մակերևույթին դրա հայտնվելու պահին, հաղորդում է «Արմենպրես»-ը՝ վկայակոչելով NASA-ի մամուլի ծառայությունը:
Ինչպես ցույց են տալիս լուսանկարները և այդ ուղեծրային աստղադիտակի հավաքած տվյալները, X2.2 դասի հուժկու բռնկումն Արեգակի մակերևույթին հայտնվել է մարտի 11-ին Երևանի ժամանակով ժամը 20-ն անց 22 րոպեին: Առայժմ գիտնականները չգիտեն՝ այդ արտանետումը կանցնի արդյոք Երկրի մոտով թե, այնուամենայնիվ, կդիպչի նրա մագնիսային վահանին:
Ըստ ՌԻԱ Նովոստիի՝ եթե դա իրոք տեղի ունենա, ապա GPS-ի, ԳԼՕՆԱՍՍ-ի և վերերկրյա-տիեզերական հաղորդակցումների համակարգերի արբանյակները պոտենցիալ կերպով կարող են մի շարք անսարքություններ և կապի կորուստներ ունենալ: Երկրի վրա մարդկանց և Միջազգային տիեզերակայանում տիեզերագնացների առողջությանը նման բռնկումները չեն սպառնում:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
