Նեմցովի ենթադրյալ մարդասպանը բողոքարկել է ձերբակալությունը

Բորիս Նեմցովի սպանության գործով ևս մեկ ամբաստանյալի՝ սպանության ենթադրյալ կատարողի՝ Զաուր Դադաևի պաշտպանությունը բողոքարկել է նրա ձերբակալությունը: Այս մասին հայտնել է ՌԻԱ «Նովոստին»՝ վկայակոչելով Մոսկվայի Բասմանյան դատարանի մամուլի քարտուղար Աննա Ֆադեևային:

«Դադաևի պաշտպանից բողոք է ստացվել, որտեղ նա խնդրում է չեղյալ հայտարարել կալանքը՝ որպես խափանման միջոց»,- ասել է մամուլի քարտուղարը:

Այսպիսով՝ ձերբակալությունը բողոքարկել են հինգ կալանավորից չորսը: