Օբաման չի օգտվում սմարթֆոնից ու SMS-ներ չի գրում

ԱՄՆ-ի նախագահ Բարաք Օբաման պատմել է, որ SMS-ներ չի ուղարկում և չի օգտվում սմարթֆոնից, փոխանցում է Reuters-ը:

Նա մանրամասնել է, որ նամակագրության համար օգտագործում է էլեկտրոնային փոստը:

«Ես չեմ օգտվում Twitter-ից, չեմ գրում SMS-ներ, իսկ նամակներն ուղարկում եմ Email-ով: Ես մինչև հիմա Blackberry եմ օգտագործում»,- ասել է Օբաման ամերիկյան հեռուստաշոուներից մեկի ժամանակ:

Նախագահը նշել է, որ ինքը չի կարող օգտագործել ձայնագրելու հնարավորություն ունեցող սմարթֆոն՝ ելնելով անվտանգության նկատառումներից: