Շվեդիայի դատախազությունը Ջուլիան Ասանժին կհարցաքննի Լոնդոնում
Աշխարհ
Շվեդիայի դատախազությունը մտադիր է WikiLeaks կազմակերպության հիմնադիր Ջուլիան Ասանժին հարցաքննել Լոնդոնում: Այս մասին, ինչպես տեղեկացնում է «Արմենպրես»-ը, ասված է մարտի 13-ին մամուլի համար հրապարակված հաղորդագրության մեջ:
Ըստ առկա տեղեկատվության՝ դատախազ Մարիան Նյուն հարցում է ուղարկել ավստրալացու փաստաբաններին՝ հարցաքննության անցկացման և ԴՆԹ-ի թեստի կապակցությամբ նրա համաձայնությունն ստանալու նպատակով: Գործի ընթացքը նա չի մեկնաբանում:
Ինչպես նշում է ՏԱՍՍ-ը, մարտի 10-ին Շվեդիայի Գերագույն դատարանը Ջուլիան Ասանժի գործով վճիռ է կայացրել այն մասին, որ դատախազությունը պետք է պարզաբանում ներկայացնի հետաքննության հետագա վարման վերաբերյալ: Մասնավորապես, խոսքը վերաբերում է համամասնականության (համաչափության) սկզբունքին, ըստ որի տարբեր կողմերի շահերը պետք է կշռադատվեն, իսկ կիրառվող միջոցները՝ չգերազանցեն կոնկրետ գործում անհրաժեշտի սահմանները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
