Վանուատուի Հանրապետությունում փոթորիկի հետևանքով ոչնչացվել է շենքերի ավելի քան 90 տոկոսը

Վանուատուի մայրաքաղաքում «Փեմ» փոթորիկը ոչնչացրել է շենքերի ավելի քան 90 տոկոսը, հաղորդում է BBC-ն:

Կարմիր խաչի ներկայացուցիչները հայտնել են, որ տարերքը հողին է հավասարեցրել ամբողջական համայնքներ` երկրի որոշ շրջաններում:

Հաղորդվում է, որ զոհվել է 8-ից 44 մարդ: Սակայն, փրկարարների խոսքով` պայմանավորված նրանով, որ երկիրը բաղկացած է մեծ թվով կղզիներից, մտահոգություն կա, որ զոհերի թիվը զգալիորեն կաճի, երբ կհաջողվի կապ հաստատել  բոլոր կղզիների հետ:

Հազարավոր մարդիկ տեղավորվել են ժամանակավոր ճամբարներում:

Քամու արագությունը հասել է 270 կմ/ժ:

Երկրի նախագահ Բալդվին Լոնսդեյլը նշել է, որ անհրաժեշտ է միջազգային հանրության օգնությունը` բնական աղետի հետևանքները հաղթահարելու համար:

Ավելի վաղ հաղորդվում էր, որ «Փեմ» փոթորիկը խլել է ավելի քան 40 մարդու կյանք: