Լոս Անջելեսի մարաթոնի 185 մասնակից է տուժել շոգի պատճառով

Լոս Անջելեսի մարաթոնի 185 մասնակից տուժել է Կալիֆոռնիայի նահանգի հարավում հաստատված անոմալ շոգի պատճառով, հաղորդում է «Արմենպրես»-ը՝ հղում անելով The Los Angeles Times-ին:

Մարաթոնի թեժ պահին օդի ջերմաստիճանը հասել է ըստ Ցելսիուսի 33 աստիճանի: Հոսպիտալացվել է 36 մարդ: Ընդամենն ամենամյա վազքամրցմանը մասնակցել է 22 հազար 846 մարդ, ըստ որում՝ ավելի քան 500 մասնակից հարկադրված են եղել դուրս գալ մրցատարածությունից:

Տղամարդկանցից հաղթանակ է տարել չինացի Դենիել Լիմոն, որը ցույց է տվել 2 ժամ 10 րոպե արդյունք: Կանանց մեջ առաջինը վերջնագծին է հասել քենիուհի Օլգա Քիմայոն. որը 42,2 կիլոմետր մրցատարածությունը հաղթահարել է 2 ժամ 34 րոպե 10 վայրկյանում:

Լոս Անջելեսի մարաթոնն ամեն տարի անցկացվում է 1986 թվականից, ամեն անգամ դրան մասնակցում են տասնյակ հազարավոր մարդիկ: