15 մարդ է զոհվել ՌԴ Բրյանսկի մարզում տեղի ունեցած ավտովթարի հետևանքով
Աշխարհ
15 մարդ է զոհվել Ռուսաստանի Բրյանսկի մարզի «Բրյանսկ-Նովոզիբկով» ավտոմայրուղում տեղի ունեցած ճանապարհատրանսպորտային պատահարի հետևանքով: Ինչպես ՏԱՍՍ-ին հայտնել է տարածաշրջանի իրավապահ մարմինների աղբյուրը, բոլոր զոհվածները և չորս տուժածներն Ուզբեկստանի քաղաքացիներ են:
«Միկրոավտոբուսի զոհված վարորդը, զոհված 14 և վնասվածք ստացած չորս ուղևորներն Ուզբեկստանի Հանրապետության քաղաքացիներ են»,- ասել է գործակալության զրուցակիցը:
Վթարի հետևանքով տուժել է նաև Renault բեռնատար ավտոմեքենայի վարորդը, որին բախվել է միկրոավտուբուսը:
Ընդամենը Mercedes-Benz Sprinter միկրոավտոբուսում եղել է 19 մարդ, այդ թվում՝ վարորդը:
Միկրոավտոբուսի և բեռնատարի բախումը տեղի է ունեցել մարտի 15-ին Մոսկվայի ժամանակով ժամը 23:00-ին Պեռվոմայսկոյե ավանի շրջանում: Միկրոավտոբուսը մտել է հանդիպական գոտի և բախվել բեռնատարին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
