Ամերիկացի 71-ամյա միլիարդատերը հեռուստատեսությամբ խոստովանել է սպանությունը

Միլիարդատեր Ռոբերտ Դարստը, ով մարտի 15-ին կալանավորվել է սպանության կասկածանքով, խոստովանություն է արել նախօրոք պատրաստված վավերագրական ֆիլմում, որի վերջին սերիան ցուցադրվել է HBO կաբելային հեռուստաալիքով, տեղեկացնում է «Արմենպրես»-ը:

«Ահա և ամենը: Քեզ բռնեցին: Ի՞նչ արեցի: Սպանեցի նրանց բոլորին»,- ասել է Դարստը, որի խոսքը նախատեսված չի եղել հարցազրույցի համար, բայց նկարահանվել է ֆիլմի ռեժիսորի կողմից և հեռարձակվել եթեր: Երկար տարիներ Դարստի մասին լուրեր էին շրջում, թե նա սպանել է իր առաջին կնոջը, իր օգնականուհուն և հարևանին:

Դարստի ընտանեկան կարողությունը գնահատվում է 4 միլիարդ դոլար, որը ձեռք է բերվել անշարժ գույքի բնագավառում:

Ինչպես նշում է ՌԻԱ Նովոստին, Դարստը զանգվածային լրատվամիջոցների խիստ ուշադրության տակ է հայտնվել 1980 թվականին իր կնոջ առեղծվածային անհետացումից հետո, որի հետ նա լարված հարաբերություններ ուներ: Նրան նաև քանիցս ձերբակալել են մարդկանց զոհվելու վերաբերյալ նոր հետաքննությունների առնչությամբ: Դարստի օգնականուհու մահվան գործով դատավարության ընթացքում մեղադրող կողմն ուղղակի ապացույցներ չի ունեցել:

2002 թվականին Դարստը գնդակահարել է իր հարևանին, իսկ այնուհետև անդամատել նրան: Փաստաբանների շնորհիվ, որոնք ապացուցել են, որ ամբաստանյալը գործել է ինքնապաշտպանության նպատակով, միլիարդատերին հաջողվել էր խուսափել երկարատև բանտարկությունից: