Փարիզում հայտարարվել են Լ’Օրեալ-ՅՈՒՆԵՍԿՕ-ի «Գիտնական կանանց համար» մրցանակի դափնեկիրները

Մարտի 18-ին Ֆրանսիայի մայրաքաղաքում տեղի Է ունեցել Լ’Օրեալ-ՅՈՒՆԵՍԿՕ-ի «Գիտնական կանանց համար» մրցանակի դափնեկիրներին պարգևների հանձնման արարողությունը, տեղեկացնում Է «Արմենպրես»-ը: Ընթացիկ տարում գրան-պրիին արժանացել Է Օքսֆորդի համալսարանի բրիտանուհի քիմիկոս Քերոլ Ռոբինսոնը՝ մեմբրանային պրոտեինների բնագավառում կատարած ուսումնասիրության համար:

Մյուս դափնեկիրների թվում են՝ Չինաստանից օրգանական քիմիայի մասնագետ Ի Սիեն, Բրազիլիայից աստղագետ-ֆիզիկոս Տաիսա Ստորչին, ինչպես նաև Կանադայից պոլիմերների քիմիայի մասնագետ Մոլի Շոյչեն և մարոկուհի Ռաջաա Շերկաուի Էլ Մուրսիլը, որն աշխատանքներ Է իրականացնում միջուկային ֆիզիկայի և բարձր Էներգիաների ֆիզիկայի բնագավառում: Նրանց տրամադրվել են 100 հազար դոլարի դրամաշնորհներ: Բացի այդ, ինչպես նշում Է ՏԱՍՍ-ը, այս տարի մրցանակի ժյուրին որոշում Է ընդունել լրացուցիչ կրթաթոշակներ հատկացնել 15 երիտասարդ կին գիտնականների, որոնք դոկտորի աստիճանի են հասել և ավելի վաղ արդեն դարձել են Լ’Օրեալ-ՅՈՒՆԵՍԿՕ-ի դափնեկիրներ:

Մրցանակը գոյություն ունի 17 տարի և ֆրանսիական Լ’Օրեալ կոսմետիկական ընկերության և ՄԱԿ-ի կրթության, գիտության և մշակույթի հարցերի կազմակերպության (ՅՈՒՆԵՍԿՕ) համագործակցության արդյունքն Է: Պարգևը նախատեսված Է կանանց շրջանում գիտական գործունեությունը խրախուսելու համար: