«General Motors-ը ռուսաստանյան շուկայի աճի դեպքում տանուլ տվածների շարքերում կհայտնվի». Պեսկով

Հեռանալով ռուսական շուկայից` General Motors (GM) կոնցեռնը իրեն դրել է ոչ շահավետ դրության մեջ՝ հաշվի առնելով շուկայի աճի հեռանկարները: Այդ մասին լրագրողներին է հայտնել ՌԴ նախագահի մամուլի քարտուղար Դմիտրի Պեսկովը` փոխանցում է ՏԱՍՍ-ը:

Նա նշել է, որ ընկերության կողմից ընդունված որոշմանը ափսոսանքով է վերաբերվում:

«Շուկայում վակուում չի լինում: Եվ եթե մի ընկերություն հեռանում է, ապա նրա տեղը միանգամից լրացնում են ուրիշները»,- ասել է Պեսկովը:

Նրա խոսքով` արդեն կարելի է վստահությամբ ասել, որ վաճառքների անկումը կփոխարինվի բուռն աճով, և այդժամ «այդ ընկերությունը կհայտնվի տանուլ տվածների շարքում»:

General Motors ավտոարտադրող ընկերությունը մարտի18-ին հայտարարել է, որ գնահատում է ռուսական շուկան, որպես «անորոշ երկարաժամկետ հեռանկարով» հարթակ և հրաժարվում է Ռուսաստանի հետ իր նախագծերի մեծ մասից, որոնց ներդրումները կազմել են ավելի քան 319 միլիոն դոլար: