Ֆրանսիայում ոստիկանությունը տներից մեկում հինգ սառեցված երեխա է հայտնաբերել
Աշխարհ
Ֆրանսիայի հարավ-արևմուտքի Ժիրոնդայի դեպարտամենտում իրավապահ մարմինները հինգ մանուկների սառեցված մարմիններ են գտել ընտանեկան զույգի տանը: Ինչպես հաղորդում է «Արմենպրես»-ը՝ հղում անելով Figaro թերթին, մարտի 19-ի առավոտյան ոստիկանությանը դիմել է 40-ամյա մի տղամարդ, որն իր տանը նորածին երեխայի մարմին է գտել սառնարան-պայուսակում: Դեպքի վայր ժամանած իրավապահ մարմինների աշխատակիցները սառնախցիկում հայտնաբերել են ևս չորս մանուկների մարմին:
Երեխաների մայրը, որը 35 տարեկան է, «հավանաբար, բեռից ազատվել է իր տանը: Նա հոսպիտալացվել է Բորդոյի հիվանդանոցում՝ գինեկոլոգ-բժիշկների և հոգեբույժների հետազոտում անցնելու համար»: Ինչպես նշում է թերթը, ավելի վաղ կնոջ մոտ հոգեկան հիվանդություններ չեն ախտորոշվել:
RTL ռադիոկայանի տվյալներով՝ քննիչներն արդեն զրուցել են երեխաների հոր հետ, որն այժմ հանդես է գալիս որպես վկա: Ինչպես գրում են Ֆրանսիայի զանգվածային լրատվամիջոցները, ընտանեկան զույգն ավելի վաղ երբեք օրենքի հետ կապված խնդիրներ չի ունեցել: Ընտանիքում մեծանում են 13 և 15 տարական ևս երկու երեխաներ, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
