Փարիզում օդի աղտոտվածության պատճառով սահմանափակվել է տրանսպորտի երթևեկությունը
Աշխարհ
Փարիզի և մայրաքաղաքային շրջանի երկնքում արդեն մեկ շաբաթ է՝ առողջության համար վնասակար նյութերի մակարդակ է գրանցվում: Այս մասին հայտնել է ՏԱՍՍ-ը:
Սմոգի պատճառով քաղաքի իշխանությունները դիմել են վճռական քայլերի՝ երկուշաբթի օրվանից սահմանափակելով ավտոտրանսպորտի երթևեկությունը՝ կենտ-զույգ համարների համակարգի համապատասխան: Այդկերպ, մարտի 23-ին մայրաքաղաքի ճանապարհներ կկարողանան դուրս գալ միայն այն ավտոմեքենաների սեփականատերերը, որոնց մեքենաների համարներն ավարտվում են կենտ թվով:
Այդ որոշումը հեշտ չի կայացվել: Փարիզի քաղաքապետարանը դեռ հինգշաբթի սկսել է ահազանգել՝ դիմելով կառավարությանը հատուկ տրանսպորտային ռեժիմ սահմանելու խնդրանքով: Քաղաքի իշխանություններն անվճար երթևեկություն են սահմանել հասարակական տրանսպորտով, վերացրել են «Վելիբ» վարձույթի ցանցի հեծանիվներից օգտվելու վճարները:
Բացառություն է արվել տաքսիների, շինարարական բեռնատարների և էլեկտրամոբիլների համար: Նման միջոցի իշխանությունները դիմում են պատմության մեջ երրորդ անգամ՝ ավելի վաղ սմոգի պատճառով նման ռեժիմ է սահմանվել 1997 և 2014 թվականներին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
