Տարեսկզբից ԻՊ-ն ավելի քան 400 երեխայի ընդգրկել է իր շարքերում
Աշխարհ
«Իսլամական պետությունն» իր շարքերում երեխաներ ընդգրկելու շրջանակում տարեսկզբից ավելի քան 400 երեխայի, որոնց տարիքը չի գերազանցում 18-ը, հավաքագրել է իր շարքերում և զինպատրաստություն է անցկացնում՝ ռազմական գործողություններին մասնակցելու համար:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Սիրիայի մի քանի շրջաններում, մասնավորապես Դեր Զորի ալ Մայադին և Բուքմալ քաղաքներում, նոր գրասենյակներ են բացվել երեխաներին հավաքագրելու համար: ԻՊ-ն հիմնականում խրախուսում է այն երեխաներին, ովքեր չեն հաճախում դպրոց և մզկիթ:
Երեխաների կրթությունը նրանց մոտ ընթանում է երկու ուղղությամբ: Առաջինը հիմնվում է կազմակերպության սկզբունքների և գաղափարների ուսուցման վրա, իսկ մյուսի ժամանակ ուսուցանվում են զենքի օգտագործման ձևերը և մասնակցությունը բախումներին ու հարձակումներին:
Երեխաներին ահաբեկիչներն օգտագործում են նաև որպես մահապարտ-ահաբեկիչներ կամ ընդգրկում են պայթուցիկ սարքավորումներ պատրաստելու աշխատանքներում:
Մարդու իրավունքների պաշտպանության սիրիական մոնիթորինգի կենտրոնի տեղեկացմամբ, հունվարին ահաբեկչական կազմակերպությունը 140 երեխայից բաղկացած խումբ է ուղարկել Քոբանի քաղաք' ռազմական գործողություններին մասնակցելու համար:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
