Նեթանյահուն «խաղաղության ձեռք է մեկնել» Պաղեստինին

Իսրայելի վարչապետ Բենիամին Նեթանյահուն հայտարարել է, որ պաղեստինցիների հետ խաղաղություն է ցանկանում: Այս մասին հայտնել է Agence France-Presse գործակալությունը:

«Մենք խաղաղության ձեռք ենք մեկնում մեր պաղեստինցի հարևաններին: Իսրայելի ժողովուրդը գիտի, որ իրական խաղաղությունը և մեր ապագան ապահովված կլինեն միայն այն դեպքում, եթե Իսրայելն ուժեղ լինի»,- նշել է Նեթանյահուն:

Ավելի վաղ ԱՄՆ նախագահ Բարաք Օբաման հայտարարել էր, որ տարածաշրջանում խաղաղության ձեռք բերման միակ ուղին համարում է պաղեստինյան պետության ստեղծումը: