ԵՄ-ն մերժել է 1.2 մլրդ եվրո տրամադրելու Հունաստանի խնդրանքը

Բրյուսելը մերժել է Հունաստանի՝ 1.2 մլրդ եվրո տրամադրելու խնդրանքը: Եվրագոտու երկրները չեն գտել իրավական հիմքեր Աթենքին միջոցներ տրամադրելու համար: Այս մասին հայտնել է Deutsche Welle-ն:

Միևնույն ժամանակ Ֆինանսական կայունության եվրոպական հիմնադրամի ներկայացուցիչը հայտարարել է, որ աշխատանքային խումբը, այնուամենայնիվ, կքննարկի այդ հարցը և կպատրաստի առաջարկներ եվրագոտու ֆինանսների նախարարների հերթական հանդիպման համար:

Ավելի վաղ Եվրոպական կենտրոնական բանկը դադարեցրել էր հունական բանկերի ֆինանսավորումը: