Ռուսաստանին չի հաջողվի վախեցնել. Պուտին

Ռուսաստանի նախագահ Վլադիմիր Պուտինը հայտարարել է, որ Մոսկվան կարող է պատասխանել ազգային անվտանգությանն ուղղված սպառնալիքներին: Այս մասին հաղորդում է «Ինտերֆաքսը»:

Նման հայտարարություն երկրի ղեկավարն արել է Անվտանգության դաշնային ծառայության կոլեգիային նիստի ժամանակ:

«Բացարձակապես պարզ է, որ ոչ վախեցնել, ոչ ճնշում գործադրել մեր երկրի վրա ոչ մեկին չի հաջողվել և չի հաջողվի, ազգային անվտանգության բոլոր արտաքին և ներքին սպառնալիքներին մենք միշտ ունեցել ենք և կունենանք ադեկվատ պատասխան»,- նշել է նախագահը:

Նրա խոսքով՝ արևմտյան գործընկերների հետ անհամաձայնության դեպքում Ռուսաստանի «ձեռքերը չեն ոլորի»:

«Ռուսաստանի հետ նման բաները չեն անցնում, երբեք չեն անցել և չեն անցնի ապագայում»,- ընդգծել է Պուտինը: