Ոստիկանությունը կարևոր հանցանշան է գտել Ֆրանսիայի ավիաաղետի մեղավոր համարվող օդաչուի բնակարանում
Աշխարհ
Գերմանիայի ոստիկանությունը կարևոր հանցանշան է գտել օդաչու Անդրեաս Լյուբիցի տանը, որին համարում են Germanwings ավիաընկերության ինքնաթիռի աղետի մեղավորը: Այս մասին հայտնել է НТВ-ն:
Օդաչուի բնակարանը խուզարկվել է չորս ժամ շարունակ: Առգրավվել են փաստաթղթեր և մի քանի համակարգիչ: Քննիչները հայտարարել են, որ իրենց հաջողվել է անել նշանակալի բացահայտում, որը կարող է ապացուցել աղետի պատճառները:
Իրավապահներն ընդգծում են, որ իրենց հայտնաբերած առարկան մահվանից առաջ արված գրություն չէ, սակայն հրաժարվել են այլ մեկնաբանություններից:
Ավելի վաղ հաղորդվել էր, որ օդաչուի մոտ ընկճախտի շրջաններ են դիտվել:
Ինչպես ենթադրում են քննիչները, Germanwings-ի ինքնաթիռի կործանումը մարտի 24-ին տեղի է ունեցել Անդրեաս Լյուբիցի մեղքով, ով մենակ է մնացել խցիկում, երբ նրա գործընկերը դուրս է եկել այնտեղից: Լյուբիցը փակել է խցիկը, որպեսզի անձնակազմի հրամանատարին թույլ չտա վերադառնալ և սկսել է իջեցնել օդանավը, ինչից հետո այն բախվել է լեռանը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
