Airbus-ի հրամանատարը փորձել է կացնով կոտրել խցիկի դուռը. ԶԼՄ-ներ

Ֆրանսիական Ալպերում կործանված Airbus ինքնաթիռի հրամանատարը փորձել է կոտրել արգելափակված խցիկի դուռը կացնով: Այդ մասին գրում է գերմանական  Bild պարբերականը՝ վկայակոչելով աղբյուրներին:

Նշվում է, որ առաջին օդաչուն մի քանի անգամ փորձել է վերադառնալ խցիկ, սակայն նրան այդպես էլ չի հաջողվել կոտրել զրահապատ դուռը:

Germanwings ավիաընկերության մամուլի քարտուղարը հաստատել է իքնաթիռում կացնի առկայությունը: Նրա խոսքով` կացինը «А320-ի անվտանգության ապահովման սարքավորումների մաս է»: