Սիեռա Լեոնեում եռօրյա կարանտին Է սահմանվել Էբոլայի դեմ

Սիեռա Լեոնեի իշխանությունները հայտարարել են, որ եռօրյա կարանտին են սկսում Էբոլայի տենդի համաճարակին վերջ դնելու նպատակով, տեղեկացնում Է «Արմենպրես»-ը՝ հղում անելով BBC-ին:

Շուրջ 6 մլն մարդ պետք Է 72 ժամ անցկացնի տանը: Այդ ընթացքում կամավորները եւ բժիշկները կզննեն բոլոր բնակարանները՝ բացահայտելով նոր վարակվածներին եւ առողջներին հիշեցնելով նախազգուշական միջոցների մասին:

Երկրի հյուսիսում եւ արեւմուտքում նախկինի պես ամեն շաբաթ տասնյակ մարդիկ են վարակվում:

Սիեռա Լեոնեն, Լիբերիան եւ Գվինեան մտադիր են մինչեւ ապրիլի կեսը հաղթահարել Էբոլայի պատմության մեջ ամենասարսափելի համաճարակը:

ԱՄՆ-ի Առողջապահության ազգային ինստիտուտը մարտի 27-ին հայտնել է, որ Էբոլա վիրուսի հարուցած հիվանդության դեմ երկու պատվաստանյութերի կլինիկական փորձարկումները ցույց են տվել, որ պատրաստուկներն անվտանգ են մարդկանց համար: Խոսքը վերաբերում է GlaxoSmithKline բրիտանական ընկերության եւ NewLink Genetics ամերիկյան կորպորացիայի պատրաստուկներին:

Պատվաստանյութերի անվտանգությունն ու արդյունավետությունն ստուգելու նպատակով անցկացված փորձարկումները կատարվել են Լիբերիայում, դրանց մասնակցել է ավելի քան 600 մարդ:

«Մենք շնորհակալ ենք այն լիբերիացիներին, որոնք հրավիրվել էին մասնակցելու այդ կարեւոր կլինիկական հետազոտություններին, դրանց արդյունքները ոգեշնչում են,- ասել է ԱՄՆ-ի ալերգիկ եւ ինֆեկցիոն հիվանդությունների ազգային ինստիտուտի տնօրեն Էնթոնի Ֆաուչին:- Այժմ մենք պետք է առաջ շարժվենք, ընդլայնենք հետազոտության շրջանակները՝ պարզելու՝ կարող են արդյոք այդ փորձարարական պատվաստանյութերը պաշտպանել Էբոլայից եւ հնարավոր կլինի արդյոք դրանք օգտագործել այդ հիվանդության բռնկման դեմ պայքարելու համար»:

Առողջապահության համաշխարհային կազմակերպության տվյալներով՝ Էբոլա տենդի համաճարակի սկսվելուց հետո Գվինեայում, Լիբերիայում եւ Սիեռա Լեոնեում մահացել է 10,3 հազար մարդ, վարակվել են շուրջ 25 հազար բնակիչներ: