Ճապոնիայի դատարանն արգելել է միջուկային ռեակտորների վերագործարկումը
Աշխարհ
Ճապոնիայի դատարանն արգելել է «Տակահամա» ատոմային էլեկտրակայանի երկու միջուկային ռեակտորների աշխատանքի վերսկսումը: Դրանք պետք է վերագործարկվեին այս տարի այն բանից հետո, երբ կարգավորող մարմինները կանաչ լույս էին տվել այդ ծրագրին, տեղեկացնում է «Արմենպրես»-ը՝ հղում անելով BBC-ին:
Գանգատ են ներկայացրել Ֆուկուի պրեֆեկտուրայի բնակիչները: Նրանք պնդում են, որ ռեակտորի աշխատանքը վերսկսելու Kansai Electric Power ընկերության պլանները սպառնում են վթարով և մարդկանց տարահանման պատշաճ միջոցառումներ չեն նախատեսում արտակարգ իրավիճակի դեպքում:
Ճապոնիայի բոլոր 48 միջուկային ռեակտորները կանգնեցվել են 2011 թվականին «Ֆուկուսիմա» ատոմակայանում տեղի ունեցած վթարից հետո:
Kansai Electric Power ընկերությունում հայտարարել են, որ մտադիր են գանգատարկել դատարանի վճիռը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
