Վրաստանը և Թուրքիան համաձայնագիր են ձևակերպել էներգետիկայի ոլորտում համագործակցելու մասին

Վրաստանի և Թուրքիայի միջև էներգետիկ ոլորտում երկարաժամկետ համագործակցության մասին համաձայնագիր է կնքվել: Փաստաթուղթը ստորագրել են Վրաստանի էներգետիկայի նախարար Կախա Կալաձեն և Թուրքիայի էներգետիկայի և բնական պաշարների նախարար Թաներ Յըլդըզը՝ Ստամբուլում, հայտնում է newsgeorgia.ru-ն:

Համաձայն փաստաթղթի' վրացական և թուրքական կողմերը համատեղ կպլանավորեն և կզարգացնեն նոր նախագծեր, որոնք անհրաժեշտ են ենթակառուցվածքների և էլեկտրաէներգիայի վաճառքի համար:

Կովկասյան տարածաշրջանում առաջին անգամ մինչ 2016թ. վերջ կպատրաստվի Վրաստանն ու Թուրքիան կապող փոխանցման ցանցերի զարգացման երկարատև համատեղ պլան, նշում է աղբյուրը: