Հայտնի են դարձել ռուս պաշտոնյաների ամենահարուստ կանայք

Ռուսաստանցի պաշտոնյաների կանանցից ամենահարուստը 2014 թվականին դարձել է փոխվարչապետ Սերգեյ Պրիխոդկոյի կինը՝ Նատալյան: Ինչպես տեղեկացնում է «Արմենպրես»-ը, այս մասին են վկայում կառավարության և Կրեմլի կայքերում զետեղված փաստաթղթերը, որոնք տեղեկություններ են բովանդակում նախարարների կաբինետի անդամների և նախագահի վարչակազմի աշխատակիցների ու նրանց ընտանիքների եկամուտների և ունեցվածքի մասին:

Նատալյա Պրիխոդկոն մեկ տարում վաստակել է 119,5 միլիոն ռուբլի: Նա ունի հողամասեր, երկու բնակարան ու բաժին ևս մեկ բնակարանում, ինչպես նաև ավտոմեքենայի երեք տեղ: Նրա ամուսնու վաստակը կազմել է ավելի քան 10 միլիոն ռուբլի:

Նատալյային հաջորդում է Ռուսաստանի մշակույթի նախարար Վլադիմիր Մեդինսկու կինը. Մարինայի՝ 33-ամյա կին ձեռնարկատիրոջ եկամուտը կազմել է 82,4 միլիոն ռուբլի: Մշակույթի նախարարության ղեկավարն ինքը վաստակել է ավելի քան 15 միլիոն ռուբլի:

Ամենաքիչ վաստակն ունի ներքին գործերի նախարար Վլադիմիր Կորոկոլցևի կինը: Վերա Կոլոկոլցևան վաստակել է 72,9 հազար ռուբլի (դա Նատալյա Պրիխոդկոյի վաստակից քիչ է 1639 անգամ):

Պաշտոնյաների կանանցից ոմանք, հայտարարագրի համաձայն՝ 2014 թվականին ոչինչ չեն վաստակել: Նրանց թվում է Սվետլանա Մեդվեդևան՝ Ռուսաստանի վարչապետի կինը: