Վանդալները պղծել են Հիլարի Քլինթոնի հոր շիրիմը

Հիլարի Քլինթոնի հոր շիրմի տապանաքարը, որը տեղադրված Է ԱՄՆ-ի Փենսիլվանիայի նահանգի Սքրանթոն քաղաքի գերեզմանատանը, գտել են շրջված վիճակում: Այդ մասին, ինչպես տեղեկացնում Է «Արմենպրես»-ը, հաղորդել Է տեղի ոստիկանությունը:

Ոստիկանապետ Կառլ Գրանցիանոյի տվյալներով՝ տեղի ունեցածի մասին հաղորդումն ստացվել Է ապրիլի 14-ի առավոտյան Washburn Street Cemetery գերեզմանատնից: Ենթադրվում Է, որ Հյու Ռոդհեմի տապանաքարը շրջել են վանդալները: Ոստիկանությունը հետաքննում Է միջադեպի հանգամանքները:

ՌԻԱ Նովոստին հիշեցնում Է, որ Հիլարի Քլինթոնն ապրիլի 11-ին հայտարարել Է Դեմոկրատական կուսակցությունից ԱՄՆ-ի նախագահի ընտրություններին մասնակցելու մտադրության մասին, որոնք նշանակված են 2016 թվականի աշնանը: 2008 թվականին նա արդեն փորձել Էր հավակնել երկրի բարձրագույն պաշտոնին, բայց պարտվել Էր իր կուսակցի՝ Բարաք Օբամայի հետ պայքարում: Այժմ Քլինթոնը համարվում Է դեմոկրատների առավել հավանական թեկնածուն: